Lubnan: Em welatê xwe ji bo Îranê feda nakin

PeyamaKurd - Serokwezîrê Lubnanê Newaf Salam ragihand ku ew êdî destwerdana Pasvanên Şoreşê yên Îranê li welatê xwe qebûl nakin û wê berdewam bikin bi qedexekirina hemî çalakiyên leşkerî yên Hizbullahê.

Di daxuyaniyek çapemeniyê de, Salam got ku hikûmetê biryarek dawî li ser qedexekirina çalakiyên leşkerî yên Hizbullahê daye û got, "Em amade ne ku çarenûsa welatê xwe ji bo berjewendiyên Îranê feda bikin."

Salam diyar kir ku fermandarên Pasvanên Şoreşê di nav Hizbullahê de hene û piştgiriyê didin çalakiyên wê yên leşkerî, û got ku ev rewş pêşeroja Lubnanê dixe xetereyê û ew êdî tehemûl nakin.

Ji aliyekî din ve, Serokwezîrê Lubnanê hişyarî da ku berdewamiya êrîşên Îsraîlê li ser Lubnanê wê bibe sedema karesatek mezin a mirovî.

Ev daxuyanî di demekê de tên ku Hizbullah, agirbesta 15 mehan piştî şerê rasterast di navbera DYA û Îsraîl û Îranê de şikand, êrîşên moşekî û dronan li bakurê Îsraîlê kir. Di bersivê de, Îsraîl bi rojan e bi giranî başûrê Lubnanê bombebaran dike û fermandarên leşkerî hedef digire.