Nebenzya: Kîev balafirên bêmirov û çekan dide terorîstan

PeyamaKurd - Nûnerê Daîmî yê Rûsyayê yê li Neteweyên Yekbûyî Nebenzya diyar kir ku rêveberiya Kîevê ji organîzekirina êrîşên terorê û eşkerekirina têkiliyên xwe yên bi rêxistinên terorê yên navneteweyî re dudilî nabin.

Nûnerê Daîmî yê Rûsyayê li Neteweyên Yekbûyî (NY) Vasily Nebenzya di axaftina xwe ya doh li Civîna Konseya Ewlekariyê ya Neteweyên Yekbûyî de bal kişand ser têkiliyên Kîev bi rêxistinên terorê yên navneteweyî re.

Nebenzya got: "Rayedarên Ukraynî dudil nabin ku êrîşên terorîstî pêk bînin û pêwendiyên xwe bi torên terorîstî yên navneteweyî re eşkere bikin," Nebenzya got, Kîev balafirên bêmirov û çekan dide terorîstan û rayedarên Ukraynayê "rasterast qebûl kirine" ku alîkariya milîtanên girêdayî El Qaîdeyê yên ku êrîşî hêzên hikûmetê li Malî kirin.

Dîplomatê Rûsî got: "Ukrayna berê wek bingeheke derbasbûnê ji çekdarên terorîst ên biyanî re dihat bikaranîn, lê niha ew bûye navendeke lojîstîkî ya ku bi rêya wê çekên ku ji rojava bo rejîma Kîev tên şandin li hemû deverên cîhanê tên belavkirin".

"Hemû gotinên Rûsyayê yên derbarê USAID de rast derketin"

Nebenzya got, Mosko demek dirêj ragihand ku Ajansa Amerîkî ji bo Pêşkeftina Navdewletî (USAID) piştgirî dide radîkalên li seranserê cîhanê, lê ev wekî propagandaya Rûsî tê hesibandin.

Nebenzya got, "Em ji eşkerekirinên vê dawiyê yên derbarê çalakiyên USAIDê qet matmayî namînin. Ev demeke dirêj e em dibêjin ku ew fînanse dike radîkalên cîhanê. Berê ev hemû daxuyanî wek propagandaya Rûsyayê dihatin binavkirin, lê di dawiyê de her tişt rast derket.”