Putin: Em ji bo lihevkirinê amade ne

PeyamaKurd - Serokê Rûsyayê Vladimir Putin daxuyanî da televîzyona fermî, axaftinên Serokê Ukraynayê Volodymyr Zelensky ên derbarê "destpêberdana ji axê" de nirxandin.

Putin diyar kir ku ev herêm axa dîrokî ya Rûsyayê û got ku şikandina Rûsyayê di qada şer de ne rastiya jiyanê ye.

Serokê Rûsyayê alîgirên rêveberiya Kievê yên li hember welatiyên ku naxwazin şer bikin bi tundî rexne kir û anî ziman ku şandina bi zorê ya bo eniyê bandorê li ser moral û motivasyona leşkeran dike.

Putin bal kişand ku ew naxwazin bi welatên Ewropayê re bikevin şer û zextên dijî Rûsyayê yên li Ewropayê weke "şîzofreniya siyasî" bi nav kir.

Serokê Rûsyayê ragihand ku ew ji bo lihevkirinê û çareserkirina vê rewşa aloziyê amade ne û tekez kir ku berê jî di hevdîtina bi Nûnerê Taybet ê Donald Trump, Steve Witkoff re de li ser nûkirina peywendiyên sêalî li hev kirine.

Putin destnîşan kir ku armanca van hevdîtinan misogerkirina ewlehiya her du welatan e piştî peymana aştiyê ya dawî.