Rûsya: Rewş bi lez xerab dibe!

PeyamaKurd - Wezareta Derve ya Rûsyayê, di daxuyaniyek nivîskî de li ser rewşa Rojhilata Navîn, diyar kir ku "rewşa ku ji ber kiryarên neqanûnî û bêberpirsiyar ên Washington û Tel Aviv çêbûye bi lez xerab dibe û bi wendakirina tevahî kontrolê re rû bi rû ye."

Di daxuyaniyê de hate destnîşankirin ku "krîza navneteweyî ya ku ji ber êrîşa bêsedem a DYA û Îsraîlê li dijî Îranê çêbûye, berdewam dike ku berfireh bibe û xerabtir bibe."

Di daxuyaniyê de bal hate kişandin ser êrîşên zêde yên li ser binesaziya sivîl, di nav de tesîsên nukleerî jî, û hate tekezkirin ku êrîşên li ser Santrala Nukleerî ya Buşehrê li Îranê alarmê didin.

Di dawiyê de daxuyanî wiha hat gotin: "Siya karesatek radyolojîk a ji Çernobîlê wêrankertir li ser Kendava Farsê û herêma Avrasyayê daliqandî ye."

Di dawiya daxuyaniyê de hate destnîşankirin ku "ji ber serpêhatiya sûcdar a DYA û Îsraîlê rêyên lojîstîkî yên krîtîk têne girtin û bazar têne astengkirin."

Di daxuyaniyê de wiha hat gotin: "Rewşa ku ji ber kiryarên neqanûnî û bêberpirsiyar ên Washington û Tel Aviv çêbûye bi lez û bez xerab dibe û gefê li wê dixwe ku bi tevahî ji kontrolê derkeve. Em banga xwe ya ji bo bidawîkirina tavilê ya şer dubare dikin."