Serê Esed û Mexlûf gur dibe: 12 lesker hatin girtin

PeyamaKurd – Nakokiyên navbera Serokê Sûriyê Beşar Esed û kurxalê wî yê karsazê herî mezin ê Sûriyê Ramî Mexlûf kûrtir dibe.

Piştî ku bi hinceta nedana bacê rejîma Esed dest danî ser hemjarek kompaniyên Mexlûf û gelek rêveberên wî girtin, niha jî operasyonek li ser komeleya El Bustan a bi ser Mexlûf re hat kirin.

Li gorî ragihandina Şarqûl Eswedê hêzên Esed bi ser komeleya El Bustan a beşa îstixbarata Sûriyê de girtiye û 12 leşkerên berê yên rejîmê hatine desteserkirin.

Beriya niha jî Esed, li Şam, Heleb, Hûmûs, Lazqiye û Tartûsê gelek rêveber û karmendên kompaniyên Mexlûf girtibûn ku heta niha hejmara wan gihîştiye 85 kesan.

Herwiha derketina derve jî li Mexlûf û malbata wî hatibû qedexekirin. Mexlûf li ser medya civakî li dijî gef û fişarên Esed derketibû û gotibû, ew paşde gav navêje.

Hêjayî gotinê ye, di demeke ku rejîma Sûriyê di fişareke giran a aborî de ye hewil dide dahatên welat hemûyan bixe jêr kontrola xwe daku xwe ji tengaviya aborî rizgar bike.