Rojnamevanekî Kurd û 3 hevkarên xwe di serê Qerebaxê de birîndar bûn

PeyamaKurd – Hat ragihandin ku di şerê Qerebaxê yê navbera Azerbeycan û Ermenistanê de rojnamevanekî Kurd tevî 3 hevkarên xwe yên Fransî birîndar bûn.

Rojnamevan Alan Keval ku welatiyê Fransayê ye û ji rojnameya “Le Monde” re kar dike, ligel 3 hevkarên xwe di topbaranekê de li bajarê Marton ê Qerebaxê birîndar bûn.

Komîteya Parastina Rojnamevanan ragihandiye ku Alan Keval û hevkarên wî, piştî birîndar bûn, ji bo nexweşxaneyê hatine veguhestin û niha rewşa wan ya tenduristî baş e.

Bavê Alan Keval Kurd e û diya wî jî fransî ye ku beriya niha jî di şerê li dijî DAIŞê de li Herêma Kurdistanê û Rojavayê Kurdistanê kar kiriye.