Trump: Dibe ku PKK ji ÎSÎDê xirabtir be

Serokê Amerîkayê Donald Trump, piştî hevdîtina bi Serokkomarê Îtalyayê Sergîo Mattarella re, li Qesra Spî daxuyanîyek da çapemenîyê. Trump, di civîna çapemenîyê de di derbarê Tirkîyê, Sûrîyê û PKK-YPG de axivî.

Donald Trump, anî zimên ku heger encamek ji serdana Mike Pence a Tirkîyê dernekeve, wê ambargoyên ku li ser Tirkîyê bên danîn Tirkîyê mehf bike û got: '' Biryara Erdogan ez matmayî nehiştim. Ji ber Erdogan ji zû de amadekarîya êrîşê dikir. Tirkîye û YPG demek dirêj e li ser sînorên Sûrîyê bi hev re şer dikin. Ez nizanim çima em sînorên welatekî ku ne dostê me ye diparêzin. Têkilîya Sûrîyê jî bi Kurdan re heye û ew jî ne melayîket in.''

Donald Trump, di dawîya axavtina xwe de behsa PKK û ÎŞÎDê jî kir û got: '' Li herêmê herkes ji ÎŞÎDê nefretê dikeRûsya, Îran, Sûrîye...Belkî kêmtir be jî Tirkîye. Evder herêma wan e. Em 7 hezar mîl dûrî wan e. PKK ji gelek alîyan ve û ji alî teror û xeterîya terorê ve dibe ku ji ÎŞÎDê xirabtir be. ''