Ukraynayê bi dronan êrîsî parzûngeha petrolê û navenda hilbijartinê kir

PeyamaKurd – Hate ragihandin ku Ukraynayê bi dronên bombekirî êrîş birine ser parzungeheke petrolê û navendeke hilbijartinan a Rûsyayê.

Wezareta Berevaniya Rûsyayê jî ragihandiye ku hewldana êrîşên dronî hatiye astengkirin û 35 dronên Ukraynayê hatine îmhakirin.

Wezareta Rûsî daye zanîn ku di roja dawî ya hilbijartinên seroktiyê ya Rûsyayê de, Ukraynayê li herêma Krasnodar devera Yaroslavl, li Belgorod, Kaluga, Oryol, Rostov û herêma Kurskê êrîşên dronî pêk anîne. Herwiha bi dronan êrîşek li ser parzungeha petrolê ya Slavyansk-on-Kubanê hatiye kirin.

Li gorî daxuyaniya wezaretê 35 dronên Ukraynayê hatine îmhakirin. Derbarê ziyanên êrîşan de ti hurgilî nehatine parvekirin.