Wezîrê Karên Derve yê Îngilîstanê Esad weke 'miskê Samê' bi nav kir

PeyamaKurd – Wezîrê Derve yê Brîtanyayê David Lammy diyar kir ku wî red kir bi Beşar Esed re, serkirdeyê hilweşiyayî yê rêjîma Beas li Sûriyê, ku wî weke "mişkê Şamê" binav dike, pêwendiyê deyne û got, "Me got na ji ber ku Esed cinawir e."

David Lammy li Parlamentoya Îngilîstanê têkildarî geşedanên li Sûriyeyê daxuyanî da û got, "Di nava du hefteyan de geşedanên awarte rû didin."

Lammy destnîşan kir ku ew demeke dirêj li benda çûna Esed in û wiha got: "Yên ku ji Esed re digotin "şêrê Şamê" hebûn. Em niha rastiyê dibînin, Esed mişkê Şamê ye."

Lammy diyar kir ku operasyona ku li bakurê rojavayê Sûriyeyê dest pê kiribû, bi vekişîna hêzên rejîmê yên ser bi lîderê jinavbirina Esed ve dewam kir û got, "Rejîma kujer di dawiya hefteyê de hilweşiya."

"Çûyîna Esed têkçûna Îran û Rûsyayê ye"

Lammy diyar kir ku helwesta Îngilîstanê ya li hemberî Esad qet neguheriye û tevî bangan jî bi wî re têkilî nedane û got.

"Me got na ji ber ku Esed cinawirek e. Me got na ji ber ku Esed dîktatorek e ku tenê daxwaza wî serwet û hêza wî ye. Me got na ji ber ku Esed sûcdar e ku çekên kîmyayî li dijî gelê Sûriyê bi kar aniye, hemû yasa û yasayan binpê dike. Me got na ji ber ku di destê Esed de bêhejmar jiyana bêguneh heye. Ew qesabekî bi xwîn e.

Me got na ji ber ku Esed bazirganekî narkotîkê ye ku bi madeyên hişbir û fînansekirina neqanûnî piştgiriya rejîma xwe dike. Me got na ji ber ku ew ê ti carî neguhere."

Lammy diyar kir ku rûxandina Esad di heman demê de têkçûna Îran û Rûsyayê ye û got, "Çûyîna Esad aştiyê garantî nake. Niha ji bo Sûriye û herêmê xeterî û firsend heye.”