Wezîrên Berevaniya Iraq û Tirkiyê civiyan: Mijara ewlehiyê hat gotûbêjkirin

PeyamaKurd – Hat ragihandin ku wezîrên berevaniyê yên Tirkiyê Hulusî Akar û yê Iraqê Cuma Înad li Enqerê civiyan.

Li gorî ragihandina Wezareta Berevaniya Tirkiyê, tevî hevdîtinên şandên herdu welatan Akar û Înad jî hevdîtinek pêk anîn.

Hat diyarkirin ku di hevdîtinê de, mijara têkoşîna dijî terorê û pêşhatên herêmî hatine gotûbêjkirin û herdu aliyan kêfxweşiya xwe bo mekanîzmeya têkoşîna dijî terorê anîne ziman.

Herwiha wezareta tirk daye xuyakirin ku Tirkiye bi biryar e ji bo parastina ewlehiya sînoran û têkoşîna dijî terorê berdewam bike.