Xi Jinping: Yekbûna bi Taywanê re nayê rawestandin

PeyamaKurd – Serokê Çînê Xi Jinping tekez kir ku yekbûna bi Taywanê re pêvajoyek dîrokî ya nayê rawestandin e, di heman demê de rêberê Taywanê Lai Ching-te ragihand ku ew ê bi biryardarî serweriya giravê di bin siya tetbîqatên leşkerî yên Çînê de biparêzin.

Di axaftina xwe ya ji bo Sersala 2026an de, Serokê Çînê Xi Jinping diyar kir ku yekbûna bi Taywanê re "pêvajoyek dîrokî ya nayê rawestandin" e.

Xi tekez kir ku gelên li her du aliyên Tengava Taywanê bi girêdanên xwînê ve girêdayî ne û pabendbûna Çînê bi prensîba "yek welat, du sîstem" dubare kir.

Ev daxuyanî piştî ku rêberê Taywanê Lai Ching-te ragihand ku ew ê piştî tetbîqatên leşkerî yên Çînê li dora giravê serweriyê biparêzin, hat.

Çîn ​​Taywanê wekî beşek ji axa xwe dibîne û diyar kir ku tetbîqatên dawî bi karanîna guleyên zindî hatine kirin. Taywanê bertek nîşanî manevrayan da, di heman demê de welatên herêmê ji nêz ve pêşveçûnan dişopînin.