Li Herêma Kurdistanê û Iraqê erdhej çêbû!

PeyamaKurd – Erdhejek ku navenda wê herêma di navbera Mûsil û Hewlêrê de pêk hat.

Navenda Keşnasî û Pêşbîniya Erdhejê ya Herêma Kurdistanê ragihand, bi şev saet 02:25ê erdhejek bi pileya 4.3 li herêma navbera Hewlêr û Mûsilê rû daye.

Erdheja ku 5 kîlometre di bin erdê de pêk hat, li gelek bajarên Herêma Kurdistanê û hin herêmên Iraqê hat hîskirin.

Di hin vîdyoyên ku li ser torên civakî hatine belavkirin de, tê dîtin ku di dema erdhejê de li navçeya Xebat a Hewlêrê, ji xelkê tê xwestin ku malên xwe biterikînin.