Polîsan bi ser TUHAY-DERa Wanê de girtin, gelek kes desteserkirin

PeyamaKurd - Polîsan bi ser Şaxa TUHAY-DERa Wanê û malên rêveberên wê de girtin û Hevserokê komeleyê Seyfettîn Ertaş jî, di nav de gelek kes desteser kirin. 

Li gorî nûçeya MAyê, polîsan bi ser malên rêveber û endamên Komeleya Alîkarî û Piştevaniya Malbatên Girtî û Hikumxarên li Wanê (TUHAY-DER) de girtin.

Hat diyar kirin ku polîsan bi ser malên Hevserokê TUHAY-DERê Seyfettîn Ertaş, rêveberê wê Kînyas Başak, Hevserokê komeleyê  yê berê Onder Sogukbûlak û gelek kesan de girtin.

Di serdegirtinên malan de 3 kes hatin binçavkirin. Kesên hatin binçavkirin, birin Miduriyeta Polîsan a Bajêr.

Piştî serdegirtinên malan, polîsan avahiya TUHAY-DER’ê dorpêç kirin û di serdegirtina avahiyê de nêzî 3 saetan lêgerîn kirin.