HDPê bernameya xwe ya Newrozê eskere kir

PeyamaKurd - Bernameya Newrozê û mîtingan a HDPê diyar bû. HDP dê bi beşdarîya Hevserokên Giştî Pervîn Buldan û Sezai Temelli, li 27 navendan çalakîyên pîrozkirina Newrozê û li 9 navendan jî mîtîngan pêk bîne.

Di çarçoveya bernameya Partîya Demokratîk a Gelan (HDP) da, Cejna Newrozê li Amedê di 21ê Adarê da dihê pîrozkirin.

Li gorî bernameyê HDP, dê di 21ê Adarê da li bajar û navçeyên Bakurê Kurdistanê yên wek; Amed, Wan, Êlih, Şirnex, Agirî, Dîlok, Cizîr, Nisêbîn, Midyad, Tetwan, Pirsûs, Gever, Silopya, Cîhanbeylî, Qereqoçan û li bajar û navçeyên Tirkiyê yên wek; Îzmîr, Aydin, Antalya, Manîsa, Çanakkale, Edene, Mêrsîn, Bûrsa, Hatay û Bodrumê çalakîyên pîrozkirina cejna Newrozê pêk bîne.

HDP, dê di 24ê Adarê de jî li Stenbol û Datçayê Newrozê pîroz bike.

PDK-BAKUR û Hereketa AZADÎ jî beşdar dibin

Di çarçoveya bernameyê de, dê Hevserokê Kongreya Civaka Demokratîk (KCD) Berdan Ozturk, Hevserokê Giştî yê PartÎya Herêmên Demokratîk (DBP) Mehmet Arslan, Serokê Giştî yê Partiya Mirov û Azadî Mehmet Kamaç, Serokê Giştî yê Partiya Demokrata Kurdistanê-Bakur (PDK-Bakur) Sertaç Bucak û Berdevkê Hereketa Azadî Ayetullah Aşitî jî beşdarî hin çalakî û mîtingan bibin.

Bernameya HDPê û navên ku beşdarî bernameyan dibin wiha ne:

• Roja 25ê Adarê, Dûşem – Çewlig – Hevseroka Giştî ya HDPê Pervîn Buldan
• 27ê Adarê, Çarşem – Wan – Hevserokê KCDê Berdan Ozturk
• 27ê Adarê, Çarşem – Mûş - Hevseroka Giştî ya HDPê Pervîn Buldan
• 28ê Adarê, Pêncşem – Agirî - Hevseroka Giştî ya HDPê Pervîn Buldan
• 29ê Adarê, Înê – Hevserokê Giştî yê HDPê Sezai Temelli
• 29ê Adarê, Înê – Hevseroka HDPê Pervîn Bûldan û Hevserokê KCDê Berdan Ozturk
• 29ê Adarê, Înê – Colemerg
• 30ê Adarê, Şemî – Şirnex – Hevserokê Giştî yê HDPê Sezai Temelli
• 30ê Adarê, Şemî – Qereqoçan – Parlementerê HDPê yê Antalyayê Kemal Bulbul