Ukrayna: Yên besdarî referandûmên Rûsyayê bibin wê bên cezakirin!

PeyamaKurd – Wezareta ya Vesazkirina Deverên Dagirkirî ya Ukraynayê li ser referandûmên ku Rûsya îro 23yê Îlona 2022yan li herêmên Donetsk, Luhansk, Kherson û Zaporizhzhia daxuyanî da.

Wezareta Ukaraynayê ragihand, hemwelatiyên Ukraynayê yên beşdarî wan referandûman bibin, wê derkevin pêş dadgehê û werin cezakirin.

Hat diyarkirin ku hemû zanyarî li ber destê saziyên ewlehî û îstixbarata Ukraynayê li ser aliyên referandûman lidar dixin û tê de cî digirin hene û wê ew wekî xayîn werin pênasekirin û rastî sizayên heta 15 salan ên girtîgehê bên.

Li gorî daxuyaniyên Rûsyayê wê referandûm heta 27ê Îlonê berdewam bikin û piştî encamên referandûman jî Rûsya difikire wan herêmên Ukraynayê bi xwe ve girê bide.