Îran | Cewad Rûhî ji ber îskenceyê can da

PeyamaKurd – Cewad Rûhî yê 35 salî di girtîgehê de di encama îşkenceyê de jiyana xwe ji dest da.

Ji bo beşdarbûna xwepêşandanên piştî kuştina Jîna Mahsa Emînî, Cewad Rûhî  yê 35 salî ku ji ber sûcê 'Şerkirina li dijî Xwedê' 3 caran cezayê îdamê lê hat birîn û li Dadgeha Bilind biryara îdamê hat betalkirin, di girtîgehê de di encama îşkenceyê de jiyana xwe ji dest da.

Li gorî nûçeya ajansa nûçeyan a IRNAyê Cewad Ruhî yê 35 salî, piştî ku Dadgeha Bilind a Îranê biryara îdamê betal kir, ji nişka ve nexweş ket dema ku li bendê bû careke din bê cezakirin û ew rakirin nexweşxaneyeke herêmî ya li bajarê Noşehrê li peravên Deryaya Xezerê ku bi 100 kîlometreyan li bakurê paytexta Îranê Tehranê ye û li wê derê can da.