Ortodoksên Tirkiyê ji bo betalkirina mizgfetbûna Ayasofya doz vekirin

PeyamaKurd – Hejmarek mesîhiyên ortodoks ên li Tirkiyê ji bo biryara mizgeftbûna Ayasofyayê bê betalkirin serî li dadgeha bilind a şêwirmendiya Tirkiyê dan.

Kilîseya Ayasofya ya ji bo cîhana ola mesîhî xwedî dîrokeke qedîm e, 24ê Tîrmehê bi daxwaza Serokomarê Tirkiyê Recep Tayyip Erdogan wekî mizgefta misilmanan hatibû guhertin û bi awayekî girseyî nimêj lê hatibû kirin.

Mizgeftbûna Ayasofyayê piştî betalkirina biryara encûmena wezîran a sala 1934an ku 86 sal berê wekî muzexane hatibû qebûlkirin, pêk hat.

Welatiyên ortokdoks ên li Tirkiyê bi sedema demboriyê xwestin biryara mizgeftbûnê were betalkirin û Ayasofya dîsa bibe muzexane.

Di serlêdana dadgehê de ortodoksan bal kişandiye ser ku mizgeftbûna Ayasofyayê li dijî peymana UNESCO ya parastina dîrok, çand û sirûşta dinyayê ye.