Li Enqerê agir bi avahiyekê ket: Bi kêmanî 4 kes mirin

PeyamaKurd – Li Enqerê agir bi avahiyekê ket û li gorî zanyariyan 4 kesan jiyana xwe ji dest da û 9 kes birîndar bûn. Derbarê bûyerê de lêpirsîn didomin.

Li navçeya Altindaga Enqerê agir bi avahiyeke 4 qetî ket û li gorî zanyariyên ewil 4 kesan jiyana xwe ji dest daye û 9 kes birîndar bûne.

Hêj nayê zanîn ku agir ji ber çi sedemê derketiye. Tîmên hawarçûn û rizgarkirinê tesbît kirin ku di wê avahiyê 4 kesan canê xwe ji dest daye.

Ji aliyê din ve hejmarek nîştecihên avahiyê ku ji ber agir û duxanê rewşa wan a tendirûstiyê xirab bûye rakirin nexweşxaneyê û derbarê bûyerê de lêpirsîn didome.