Îsraîl: Îran hêzên xwe ji Sûriyê vedikisîne

PeyamaKurd – Rayedarên bergiriya Îsraîlê dibêjin, Îranê hin baregehên hêzên xwe yên li Sûriyê vala kirine û hejmara hêzên komên çekdarên girêdayî xwe jî kêm kiriye.

Li gorî çavkaniyên leşkerî yên Îsraîlê hêzên ku Îran li Sûriyê piştgiriya wan dike hinek baregehên xwe vala kirine û dest bi vekişîna ji Sûriyê kirine ku bi sedema kêmbûna şer û pevçûnan jî hejmara hêzên Îran piştevaniya wan dike kêm bûne.

Wezîrê Bergiriya Îsraîlê Naftalî Bennett, hefteya borî ragihandibû ku hedefa wan a nû derxistina hêzên îranî ji nav erda Sûriyê ye.

Balafirên Îsraîlê bi sedema hebûna hêzên îranî gelek caran êrîşan dibin ser bi taybet Şam û herêmên din ên Sûriyê.