Mesrûr Barzanî: “Em ê çanda pêkvejiyanê biparêzin û dewam bikin”

PeyamaKurd – Serokwezîrê Herêma Kurdistanê Mesrûr Barzanî bi patrîkê Dêra Keldanî ya Iraqê û hem ya dinyayê bi kardinal Louis Sako re hevdîtin kir. Di hevdîtinê de serokwezîr Mesrûr Barzanî ragihand ku dê mafên pêkhateyên Herêma Kurdistanê û çanda pêkvejiyanê biparêzin û her dewam bikin.

Di hevdîtinê de li ser parastina mafên pêkhateyên li Herêma Kurdistanê û Iraqê û çanda pêkvejiyanê axifîn.

Louis Sako, pesnê modela pêkvejiyana pêkhateyên li Herêma Kuırdistanê da û bi bilindî behsa çanda pêkvejiyanê ya di nav aştiyê de kir. Kardinal Sako di mijara çanda xweşbîniya li Herêma Kurdistanê û parstina mafên pêkhateyan de got ku Kurdistan mînakekî girînge û modele.

Mesrûr Barzanî bang li Xîrîstiyanên ku ji Herêma Kurdistanê koç kirine kir û got bila dagerin Kurdistanê û xizmeta xwe li Kurdistanê bikin. Barzanî got ku weka hukumet bo kesên dagerin ji destê wan çi were dê bo wan bikin.