Al-Masdar: Dema êrîsa ser HTSê dîwarê xala çavderiyê ya Tirkiyê hatiye lêdan

PeyamaKurd – Piştî belavbûna dîmenên êrîşa xala çavderiyê ya artêşa Tirkiyê ya Idlibê, çavkaniyên Sûriyê ragihandin ku hêzên Rûsya û Sûriyê 15 êrîşên hewayî bi ser Heyet Tehrîr Şamê (HTŞ) de pêk anîne, lê êrîşî xala çavderiyê ya Tirkiyê nekirine.

Li gorû nûçeya Al-Masdarê, îro hêzên esmanî yên Rûsya û Sûriyê 15 êrîş li Hema û Idlibê bi ser HTŞ û Artêşa Rizgariya Netewî ku girêdayî OSOyê ve ye de pêk anîne.

Li gorî çavkaniyên ji Al-Masdarê re axivîne, di operasyona ser komên çekdar de, dîwarê xala çavderiya tirk jî hatiye lêdan ku ti ziyanên canî çênebûne.

Herwiha peyamnêrê Ajansa Anadol a Tirkiyê jî bi zarê çavkaniyên ewlekariyê ragihandiye ku êrîşeke wiha pêk nehatiye.

Hîn ji aliyê Wezareta Berevaniyê ya Tirkiyê ve ti daxuyaniyek nehatiye dayîn.

Li Idlibê li dijî xala çavdêriyê ya TSKê êrîşek pêk hat