Li nêzî Parlamentoya Iraqê êrîsa mosekî: 3 efser birîndar bûn

PeyamaKurd – Hat ragihandin ku îro 28ê Îlonê piştî nîvro, 3 moşek li nêzîkî avahiya Parlamentoya Iraqê ya li Herêma Kesk a navenda Bexdayê ketin xwar.

Li gorî ragihandina Şaneya Ragihandinê ya Ewlehiya Iraqê, di demjimêr 15:30 xulekan de, bi rêya 3 moşekan êrîşek li dijî Herêma Kesk a Bexdayê hatiye kirin.

Hat diyarkirin, moşeka yekem li nêzîkî avahiya parlamentoyê ketiye xwar, ya duyem li ber cihê mêvanên parlamementoyê û moşeka dawî jî li nêzîkî Deriyê Qudsê ketiye xwarê.

Hat eşkere kirin ku di encama wê êrîşê de, 3 efser birîndar bûn û ziyanên mezin li cihê moşek ketine çêbûye.

Hêjayî gotinê ye, piştî du mehan îro cara yekem Parlamentoya Iraqê civiyabû ku ev êrîş hat kirin.