Li ser înternetê bi 20 lîreyan ‘diaya koronaya’ tê firotin!

PeyamaKurd – Derket holê ku li hember virusa koronaya nifşê nû (Covid-19) li ser malpereke înternetê bi 20 lîreyan ‘diaya koronayê’ tê firotin.

Derket holê ku malpereke bi navê ‘Bana dua oku’ (Ji min re dia bike) bi 20 lîreyên Tirkiyê (Kêm zêde 3 Dolar dike) 'diaya koronayê' (Covid-19) difiroşe û amaje tê kirin ku ew dua ji wê nexweşiyê re baş tê.

Di malpera navborî  de, derheqê wê diaya ku tê firotinê de ev tişt hatine gotin:

“Bi qasî bexşa xwe tu û malbata te ji koronayayê bên parastin! Li welatê me jî korona peyda bû. Ji bo xwe û malbata xwe biparêzî, pêwîstiya te bi vê duayê heye. Tu çiqasî bexş bikî tudê ewqasî werî parastin û ji vê nexweşiyê û nexweşiyên din dûr bisekînî.”

Di heman malperê de herwiha ‘ji bo zêdebûna performansa cinsî’, ‘êşa piştê’, ‘çûyîna cinetê’, ‘xilasbûna ji deynan û belayan’ jî 'dua' têne firotin.