Tirkiyê qebûl kir, wê Almanya zêdetirî 13 hezar hemwelatiyên Tirk dersînor bike

PeyamaKurd – Hate ragihandin ku Almanya û Tirkiyê li ser vegerandina hezar 500 hemwelatiyên Tirkiyê li hev kiriye û dê hikûmeta Alman wan kesên mafê wan ê mayînê tune ye dersînor bike.

Li gorî medyaya Alman, piştî ku Tirkiyeyê vegera welatiyên xwe qebûl kiriye, Almanya jî difikire ku ji bo hemwelatiyên Tirkiyê hêsankariyê di randevuyên vîzeyê de bide û demên pêş jî daxwazên serbestiya vîzeyê pêk bîne.

Di nûçeya weşana fermî ya Alman FAZê de hatiye diyarkirin ku Tirkiyê qebûl kiriye heftane 500 hemwelatiyên xwe werbigire ku dê bi balafiran bên şandin.