Tirkiyê li Girê Spî deriyekî sînor vekir

PeyamaKurd –Tirkiyê piştî dagirkirina bajarê Girê Spî yê Rojavayê Kurdistanê, deriyekî sînorî vekir.

Li gorî daxuyaniya Wezareta Bazirganiyê ya Tirkiyê deriyê sînorî yê Kaniya Xezalan-Girê Spî hat vekirin.

Hat ragihandin ku piştî 7 salan ji daxistina wî deriyî roja şemiyê 4ê Çileya 2020an, deriyê sînorî yê gumrikê yê Kaniya Xezalan-Girê Spî ji aliyê berpirsên bazirganî yên bajarê Rihayê yê bakurê Kurdistanê ve hat vekirin.

Ew derî, sala 2014an bi sedema kontrolkirina herêmê ji aliyê DAIŞê ve hatibû girtin û dema herêm ketibî destê HSDê jî girtî mabû.

Rayedarên Tirkiyê dibêjin, dê ew derî ji bo karûbarên bazirganî û çûnûhatinê were bikaranîn.