Li Duhokê 2 kes ji ber birîna daran hatin girtin

PeyamaKurd – Li gundê Loma yê navçeya Zawitê ya ser bi parêzgeha Duhokê, 2 kes ji ber birîna daran hatin girtin. Polîsên Daristan û Jîngehê dest danîn ser 20 pîkap daran û diyar kir: “Dibe ku zêdetirî 50 pîkap dar birîbin.”

Li gor Efserekî Hêzên Pêşmerge yên Duhokê ji bo parastina jîngehê Ramazan Syari diyar kiriye: “Ev zêdetirî mehekê ye van daran dibirin, ji ber ku zêdetirî 50 pîkap dar birîne û nêzî 20 pîkap dar li vir bi komî hiştine û hemû dar ter in û tu ji wan jî ne hişk in.”

Herwiha her du kesên ku ji aliyê Polîsê Daristan û Jîngehê ve hatibûn girtin, pênc donim erd paqij kirin û hemû birîn, tevî hin darên ku temenê wan zêdetirî 50 salî ne, û li gorî polîs, armanca kar ji bo bazirganî bû.

Li gor zanyariyan, îsal li parêzgeha Duhokê 21 kes bi tometa birrîna daran hatine girtin.