Dadgeha Tirkiyê: Di 2015an de li navçeya Cizîrê mafê jiyanê nehatiye binpêkirin

PeyamaKurd – Dadgeha Destûra Bingehîn a Tirkiyê (AYM) biryar li ser dosyeya qedexeyên derketina derve yên sala 2015an ên li navçeya Cizîrê da û diyar kir ku mafê jiyanê nehatiye binpêkirin.

Dadgehê destnîşan kir, mafê jiyanê nehatiye binpêkirin di wan qedexeyên ku kesên sivîl jin û zarok jî di nav de 288 kes ji aliyê hêzên ewlekariya Tirkiye ve hatibûn kuştin.

Hêjayî bibîrxistinê ye, di qedexeyên sala 2015a ên li navçeya Cizîrê ser bi parêzgeha Şirnexê ya Bakurê Kurdistanê de ku wek “Şerê Xendekan” jî tên binavkirin bi giştî 288 kes ku beşek ji wan zarok, jin û welatiyên sivîl bûn di operasyonan de ji aliyê hêzên ewlekariya Tirkiye ve hatibûn kuştin.