Encûmena Wezîran a Herêma Kurdistanê îro dicive

PeyamaKurd – Îro Encûmena Wezîran a Herêma Kurdistanê bi serokatiya Mesrûr Barzanî civînê li dar dixe û çend mijarên giring gotûbêj dike.

Li gor Fermangeha Medya û Zanyariyan diyar kir, Encûmena Wezîran a Herêma Kurdistanê îro 7ê Mijdara 2022an bi serokatiya Mesrûr Barzanî dicive.

Fermangeha Medya û Zanyariyan da zanîn, beşa yekem a civînê wê ji bo pêşkêşkirina encamên serdan û hevdîtinên şanda danûstandkar a Hikûmeta Herêma Kurdistanê ligel Hikûmeta Federal were dabînkirin.

Beşa duyem a civînê wê ji bo pêşkêşkirina pirsa navçeyên Kurdistanî yên derveyî îdareya Herêma Kurdistanê be.

Herwiha di beşa sêyem de, têbîniyên Wezareta Çandinî û Çavkaniyên Avê li ser projeyayasaya Wezareta Çavkaniyên Avê ya Hikûmeta Federalî tên pêşkêşkirin ku berovajî destûra Iraqê hatiye amadekirin.