Zelenskiy: Divê ev terorîzm bê rawestandin

PeyamaKurd- Serokê Dewleta Ukraynayê Volodimir Zelenskiy, li ser êrîşa li dijî gundê Groza daxuyanî da û ji xizmên kesên ku di êrîşa moşekî ya Rusyayê de bûn qurbanî re sersaxî xwest.

Volodimir Zelenskiy, di daxuyaniya ku li ser hesabê xwe yê medyaya civakî ragihand de got ku “Rusya bi awayekî hovane sûc kir. Divê terorîzma Rusyayê bê rawestandin. Her kesê ku ji bo derbaskirina dorpêçên alîkariya Rusyayê dike, sûcdar e. Her kesê ku hîn jî piştgiriyê dide Rusyayê, piştgiriyê dide xirabiyê. Rusyayê ev êrîş û êrîşên terorê yên bi vî rengî û êrîşên qirkirinê kirin. Ez spasiya her rêber û her gelan dikim ku di parastina jiyanê de piştgiriyê didin me.”

Zelenskiy bal kişand ser wê yekê ku ew ê bersiva Rusyayê bidin û diyar kir ku ew bi serokên welatên Ewropayê re li ser bihêzkirina pergala berevaniya asîmanî ya Ukraynayê gotûbêjan dikin.