Serok Barzanî: Mamoste Erbîlî gencîneyeke giranbuha ya huner û resentiyê li pey xwe hîst

PeyamaKurd - Serok Barzanî li ser wefata hunermendê navdar ê Kurdistanê Mihemed Ehmed Erbîlî ku îro 20ê Hezîranê di 89 saliya xwe de li Hewlêrê koça dawî kiribû, peyameke sersaxiyê pêşkeşî malbat, heval û hezkiriyên wî kir.

Serok Barzanî di peyama xwe de got: “Bi mixabiniyeke mezin nûçeya koça dawiyê ya hunermendê nevdar û xweşewîstê Kurdistanê mamoste Mihemed Ehmed Erbîlî gihîşt min. Mamoste Mihemed Ehmed Erbîlî xizmeteke mezin li parastina deng û awaz û mûzîka resen û xwemalî ya Hewlêrê kir û gencîneyeke giranbuha ya huner û resenatiyê li pey xwe hîşt.”

Serok Barzanî sersaxî da malbat, heval û hezkiriyên Mihemed Ehmed Erbîlî û tevahiya hunermendên Hewlêr û Kurdistanê û got, “Ji Xwedêyê mezin dixwazin giyanê Erbîlî bi bihuştê şad bike û sebir û aramiyê bide her aliyekî.”

Mihemed Ehmed Erbîlî îro ji ber nexweşiyê koça dawiyê kir