Serokê Koreya Basûr wê bi Biden re bicive

PeyamaKurd - Serokê Koreya Başûr Yoon Seuk Yeol wê li Washingtonê bi Serokê Amerîkayê Joe Biden re bicive.

Her du rêber wê gefên Koreya Bakur li herêmê û hevkariya di navbera Amerîka û Koreya Başûr de gotûbêj bikin.

Yoon wê ji bo danûstandinên fermî di navbera 24-29ê Nîsanê de li Amerîkayê be. Yoon Seuk Yeol dibe yekem serokê Koreya Başûr ku piştî 12 salan serdana Dewletên Yekbûyî dike. Serdan herwiha balê dikişîne ji ber ku hevdem e bi 70emîn salvegera hevkariya stratejîk a her du welatan.

Di xala îro de; Pêşkeftina bilez a Koreya Bakur a çekên nukleerî fikarên giran li Koreya Başûr diafirîne. Li aliyekê dema ku Amerîka piştgirî dide Koreya Başûr û wê di bin sîwana xwe ya nukleerî de digire, di heman demê de yên ku difikirin ku ev yek li welêt têrê nake û divê Koreya Başûr çekên xwe yên nukleerî çêbike jî hene.

Ji aliyê din ve, nîgeraniya wê jî heye ku êrîşên Rûsyayê yên li ser Ukraynayê, bala Amerîkayê ji Asyayê ber bi vê herêmê ve biriye. Herwiha, hin belgeyên leşkerî yên Amerîkî ku vê dawîyê derketine nîşan didin ku Amerîkayê zext li Koreya Başûr kiriye ku piştgirîya Ukraynayê bike ku ev yek bû sedema nakokiyan di navbera Washington û Seul de.