Li Licê bi tonan esrar hat desteserkirin

PeyamaKurd – Li navçeya Diyarbekir Licê di encama operasyoneke hêzên cendermeyan de, tonek û 183 kîlo esrar û 9 milyon û 187 koka kenewîra hindê hat desteser kirin.

Walîtiya Diyarbekirê ragihand ku li sê gundên navçeya Licê operasyonek ji aliyê fermandariya cendermeyên bajêr ve bi awayekî serkeftî hatiye encamdan û tonek û 183 kîlo esrar di nav çewalan de û 9 milyon û 187 koka kenewîra hindê jî di nav erd û zinaran de hatiye desteser kirin.

Di daxuyaniyê de hatiye gotin ku yên ew karê firotin û hilberîna esrarê dikin girêdayî PKKê ne û herwiha hatiye diyarkirin ku wê operasyonên wan berdewam bikin.