Berdevkê Hikûmetê: Êrîsa Hewlêrê kiryareke terorîstî bû

PeyamaKurd - Berdevkê Hikûmeta Herêma Kurdistanê Cotyar Adil aşkere kir ku êrîşa duhî ya li restoraneka Hewlêrê kiryareka terorîstî bû û êrîşkeran bo wê kiryarê plan danabûn.

Cotyar Adil daxuyaniyek belavkir û tê da ragihand: “Li gor lêkolînên destpêkê rûdawa teqêkirinê ya roja 17 Tîrmeha 2019an bûye mirina 3 kesan karekî terorîstî bû. Bo wê kiryarê armanc û plan hatibû danîn.”

Herwiha di daxuyaniyê da amaje bi wê yekê jî hatiye kirin ku lêkolîn berdewam û pêşveçûn heye û di demeka nêzîk da rayagiştî agahdar dikin.

Rêvebiriya Asayîşa Hewlêrê duh nasname û wêneyê êrîşkarê bûyera Hewlêrê belav kiribû. Li gor rêvebiriya asayîşê ku bi awayeka nivîskî hatiye belavkirin, nasnameya yek ji wan navê Mazlum Dag e.Dag, di sala 1992an de li Amedê hatiye hatiye dinyayê.