Minbic | Terorîstekî DAISê ji aliyê Yekîneyên Antî Terorê hat girtin

PeyamaKurd – Terorîstekî DAIŞê ji aliyê Yekîneyên Antî Teror a Meclisa Leşkerî ya Minbicê bi hevkariya Hêzên Ewlekariya Hundirîn hat girtin û hejmarek çek û cebilxane jî hatin bidestxistin.

Navenda Ragihandinê ya Meclisa Leşkerî ya Minbicê têkildarî operasona Yekîneyên Antî Terorê li dijî terorîstekî DAIŞê, daxuyaniyek belav kir.

Li gor di daxuyaniyê de hat eşkerekirin: “Yekîneyên Antî Teror a Meclisa Leşkerî ya Minbicê, bi hevkariya Hêzên Ewlekariya Hundirîn,
operasyonek li dijî endamekî şaneyeke çekdarên DAIŞê pêk anîn. Navê çekdar, Ehmed Hesen ji gundê Medne Mezin a li rojavayê bajarê Minbicê ye . 19ê Çileya 2022an de piştî komkirina agahiyan, Yekîneyên Antî Terorî girtin ser mala wî . Tevî bangên yekitiyê li terorîst ku xwe radest bike, lê terorîst gule berdan û bi Yekîneyên Antî Terorê re şer kir. Di encamê de terorîst hate kuştin.”

Her wiha hejmareke çek jî hatin bi dest xistin.