Parêzgarê Hewlêrê: Eger karê wan ne gelekî girîng be çûnûhatinê nekin

PeyamaKurd – Parêzgarê Hewlêrê di derbarê barîna barana zêde de, daxuyaniyek belav kir û da zanîn, ji ber kombûna ava baranê, hin rê û kolan hatin girtin û daxwaz ji welatiyan kir, eger karê wan ne gelekî girîng be, çûnûhatinê nekin.

Li Hewlêrê ji şeva borî ve baran bi xurtî dibare, lehî li hin cihên Hewlêrê rabûye û hejmarek ji rêyan ji ber kombûna avê hatine rawestadin.

Parêzgarê Hewlêrê daxuyanî da û daxwaz kir, welatî ji bo parastina selametiya xwe û ji bo gihîştina tîmên şaredariyê ji bo cihên pêwîst, karê wan ne gelekî girîng be, çûnûhatina xwe sînordar bikin.

Herwiha eşkere kir, beşek ji rê û kolanên Hewlêrê ji ber kombûna avê rawestiyane û da zanîn, li gor pêşbîniyan pêla baranê berdewam dibe.

Parêzgarê Hewlêrê daxwaz ji welatiyan kir, di her pirseke pêwîst de, pêwendiyê bi şaredarî, tîmên berevaniya şaristanî û polîs re bikin ku ew di amadebeşiya temam de ne.