Wezîrê Navxwe yê Tirkiyê: 22 kes hêj di bin avahiyên rûxandî de ne

PeyamaKurd - Wezîrê Navxwe yê Tirkiyê Suleyman Soylu amarên dawî yên qurbaniyên erdheja li Elezîzê belav kirin û diyar kir ku 22 kes di bin avahiyên rûxandî de ne.

Wezîrê Navxwe yê Tirkiyê Suleyman Soylu li Elezîzê, ligel Wezîrê Bajarvanî û Avadaniyê Murat Kurum û Wezîrê Tenduristiyê Fahrettîn Koca civîneke rojnamevaniyê li dar xist û amarên dawiî yên qurbaniyên erdhejê bi çapemeniyê û raya giştî re aşkere kirin.

Suleyman Soylu ragihand ku li navçeya Keferdîz a girêdayî Meletiyê 4 kes û li Elezîzê jî 18 kesan di encama erdhejê de jiyana xwe ji dest dane.

Li gor daneyên Soylu parvekirine, ji rûdana erdhejê heya niha 39 kes ji aliyê tîmên lezgînî û hawarçûnê ve ji bin avahiyên hilweşyayî hatine derxistin.

Wezîrê Tenduristiyê Fahrettîn Koca derbarê rewşa tenduristiyê de agahî dan û diyar kir ku birîndarên ku rewşa wan giran e nînin.

Nûçeyên Peywendîdar:

Erdheja Elezîzê li 6 welatan hat hîskirin

HDPê ji bo erdheja Elezîzê maseyeke krîzê ava kir

Hejmara qurbaniyên erdhejê zêde dibe: 20 kes mirin û 1015 kes jî birîndar bûn