Dêrazor | 4 kesan ji ber bahoza tund a tozbarînê can dan

PeyamaKurd – Li Dêrazorê ji ber pêleke din a bahoza tund a tozbarînê, 4 kesan can dan.

Li gor Rewangeha Sûrî ya Mafên Mirova belav kir, pêleke tozbarînê ya tund bi ser parêzgeha Dêrazorê de girtiye û gelek haletên bêhntengiyê gihîştine nexweşxaneyan.

Hat ragihandin, heta niha 2 kesan ji ber bêhntengiyê can dane û kesek û kurê wî jî di encama ketina dîwarekî bi ser wan de can dane.

Herwiha Rewangehê diyar kir, ji ber tundiya bahoza tozê, dar şikestine, elektirîk hatiye birîn û asta dîtinê gelekî kêm bûye.