45 avahî xistin karantîneyê

PeyamaKurd – Li bajarên Bakurê Kurdistanê Bedlîs û Rihayê ji ber derketina vîrusa koronayê di hejmarek kesan de, 45 avahî hatin karantînekirin.

Hat ragihandin ku li navçeya Xelatê ya parêzgeha Bedlîsê 2 avahî û li Rihayê û 6 navçeyên wê jî 43 avahî di çarçoveya tedbîrên pêşîgirtina koronayê de hatin karantînekirin.

Li Tirkiye û Bakurê Kurdistanê heta niha li gorî amarên fermî 195 hezar û 883 kes bi koronayê ketine, 5 hezar û 82 kesan can daye û 169 hezar û182 nexweş jî baş bûne.

Hêjayî gotinê ye, li hin navçe û bajarên Bakurê Kurdistanê yên wekî Cizîr, Batman, Mêrdîn û Diyarbekirê hejmara tûşbûyan gelekî zêde bûye û di hin nexweşxaneyan de cî nemaye û gazin têne kirin ku testên koronayê jî nayên kirin.