Mesrûr Barzanî bi Nûnera NY re civiya: Nabe ku hilbijartin bê pasxistin…

PeyamaKurd - Serokwezîrê Herêma Kurdistanê Mesrûr Barzanî, îro 21ê Hezîranê li paytext Hewlêrê pêşwazî li Nûnera Taybet a Sekreterê Giştî yê Neteweyên Yekbûyî li Iraqê Jeanine Hennis-Plasschaert kir.

Piştî civînê hat ragihandin ku di hevdîtinê de, rewşa Herêma Kurdistanê hat gotûbêjkirin û li ser vê mijarê herdu alî li ser encamdana hilbijartinên Parlamentoya Kurdistanê di dema herî nêz de, hevnêrîn bûn.

Serokwezîr Mesrûr Barzanî destnîşan kir, nabe êdî hilbijartinên Parlamentoya Kurdistanê were paşxistin û bibe qurbaniya xwestek û daxwazên ti hêz û aliyekî yên paşxistina wê proseya demokrasiyê.

Mesrûr Barzanî û Plasschaert, herwiha di civînê de guherîn û pêşhatên rewşa Iraqê û desteberkirina mafên destûrî û heqên darayî yên Herêma Kurdistanê jî gotûbêj kirin.