Ji Nêçîrvan Barzanî pistî avabûna hikûmeta nû serdana yekem bo Bexdayê

PeyamaKurd - Serokê Herêma Kurdistanê Nêçîrvan Barzanî, îro 20ê Hezîranê bi serdaneke fermî gihîşt Bexdayê.

Piştî avakirina hikûmeta Serokwezîr Mistefa Kazimî ev yekem serdana serokê Herêma Kurdistanê ye bo Iraqê.

Biryar e Nêçîrvan Barzanî di vê serdana xwe de, çend hevdîtinan bi payebilindên Iraqê re pêk bîne ku pêwendiyên Hewlêr/Bexdayê û hewlên bo çareserkirina pirgirêkên navbera herdu aliyan babetên sereke ne.

Rêveberiya Herêma Kurdistanê berî niha jî ji bo kabîneya Kazimî piştgirîya xwe eşkere kiribû û hêviya çareserkirina pirsên herdu aliyan di çarçoveya destûra Iraqê de diyar kiribû.