Pevçûn li Ukraynayê dijwar bûn!

PeyamaKurd – Cîgira Wezîrê Parastinê ya Ukraynayê Hanna Maliar got, piştî êrîşa ji aliyê Kîevê ve li dijî Rûsyayê hat destpêkirin, li hin herêmên welêt "pevçûnên gelekî tund" qewimîn.

Alîkara Wezîra Berevaniya Ukraynayê Hanna Maliar derbarê geşedanên dawîn ên li herêmê de daxuyaniyek da û ragihand, hêzên Ukraynayê heta Behmût li rojhilat bi pêş ve diçin û li başûr jî nêzî Zaporizhia bûne, lê Rûsyayê bergiriyeke gelekî tund kiriye. li hin herêman.

Maliar diyar kir, leşkerên Ukraynayê 200-500 metre nêzî Bahmutê û 300-500 metre nêzî Zaporizhia bûne.

Hanna Maliar eşkere kir, piştî êrîşa ku ji aliyê Kîevê ve li dijî Rûsyayê hat destpêkirin, li hin herêmên welêt "pevçûnên gelekî tund" qewimîn.

Di vê navberê de, ekîba Neteweyên Yekbûyî ya ku dihat plankirin ji bo lêkolînan li santrala nukleerî ya li Zaporizhia biçe wir, ji ber pevçûnan serdana xwe taloq kir.

Bahmût, bajarekî pîşesazî, yek ji wan cihên ku herî zêde ji êrîşên Rûsyayê yên ku di Sibata 2022an de dest pê kiribûn, bi bandor bû.

Herwiha şeva din Rûsyayê li gelek bajarên Ûkraynayê bi moşekan û balafirên bêmirov êrîş kir. Li gorî agahiyên ku rayedarên Ukraynayê dane, di êrîşên bi balafirên bêmirov ên li bendera bajarê Odessa de 3 kesan jiyana xwe ji dest dane.

Tevî daxuyaniya Serokê Rûsyayê Vladimîr Pûtîn ku gotibû artêşa wî bi kêmbûna moşek û balafirên bêpîlot re rû bi rû maye, lê di hefteyên dawî de bombebarana Rûsyayê ser Ukraynayê zêde bûye.

Ukraynayê di destpêka hefteyê de ragihandibû ku ji bo vegerandina herêmên di destê Rûsyayê de dest bi operasyoneke dijber kiriye.

Kîev îddîa dike ku ji destpêka êrîşa kontra ve, artêşa Ukraynayê 7 mezra û herî kêm 90 kîlometre çargoşe vegerandine.