Li du navçeyên Wanê 57 koçber hatin desteserkirin

PeyamaKurd – Li du navçeyên Wanê ya Bakurê Kurdistanê, îro 57 koçber hatin desteserkirin.

Li gor zanyariyan, tîmên Fermandariya Jendermeya Erdîşê li ser rêya Erdîş û Elcewazê kamyoneteke ku guman lê hebû dane rawestandin û di encama lêgerînê de di nava kamyonetê de 30 koçberên Afgan hatin desteserkirin.

Herwiha li gundên Şîvekara jorî û Arnesê ser bi navçeya Bêgirê jî 27 koçberên ji Afganîstan û Pakistanê hatin desteserkirin.

Li parêzgeha Wanê ku bi giştî 57 koçber hatin desteserkirin, 3 kes jî bi îddîaya ku veguhestina koçberan rêkdixin hatin desteserkirin.

Li gor agahiyan piştî karên fermî, koçber şandin Navenda Paşdeşandina Îdareya Koçê ya Bajêr.