Mesrur Barzanî bi Wezîrê Berevaniya Iraqê re hevdîtinek pêk anî

PeyamaKurd – Serokwezîrê Herêma Kurdistanê Mesrûr Barzanî li Konferansa Munîh a Ewlekariya Cîhanê bi Wezîrê Berevaniya Iraqê Necah Şemerî re hevdîtinek pêk anî.

Hat ragihandin ku di civînê de behsa rewşa Iraqê û Rojhilata Navîn hat kirin û tekezî li ser girîngiya arambûna rewşa Iraqê hat kirin.

Serokê hikûmeta Kurdistanê behsa xebatên pêkanîna hikûmeta nû ya Iraqê kir û got, “Em alîgirê hikûmetekê ne ku piraniya gelên Iraqê piştevaniya wê bikin û ew hikûmet girêdayî mafên Destûrî yên Herêma Kurdistanê jî be.”

Mesrûr Barzanî û Necah Şemerî herwiha ji bo têkoşîna dijî terora DAIŞê behsa girîngiya berdewambûna hemahengiya zêdetir di navbera Pêşmerge û artêşa Iraqê de kirin.

Useful discussion with Iraqi Defense Minister Najah Al-Shammari where I restated that we will back a government that is supported by the majority of the Iraqi peoples and respects the constitutional rights of the Kurdistan Region.#MSC2020 pic.twitter.com/JAcmAfBlld

— Masrour Barzani (@masrour_barzani) February 14, 2020