Efrîn | Ji bo berdana 2 kalemêrên Kurd ên revandî fîdyê dixwazin

PeyamaKurd - Li bajarê Efrînê yê Rojavayê Kurdistanê ku ji sala 2018an ve ji aliyê Tirkiye û komên çekdarên bi ser ve hatiye dagirkirin, 2 sivîlên din ên temen mezin hatin revandin.

Li gorî ragihandina Tora Çalakvanên Efrînê çekdarên bi ser artêşa Tirkiyê ve, li navçeya Mabata ya Efrînê 2 kalemêrên birayê hev revandin ku navê wan Elî Yûsif Mistefa (67 salî) û Esed Yûsif Mistefayê 64 salî ne.

Heman çavkaniyê diyar kiriye ku çekdaran ji bo berdana wan kalemêrên Kurd 600 lîreyê tirk fîdye xwestine û heta niha jî çarenivîsa wan nediyar e.