Li Bakurê Kurdistanê rêyên bêhtirî 2 hezar gundan hatin girtin

PeyamaKurd – Li bajarê Bakurê Kurdistanê, ji ber mercên nexweş ên zivistanê û barîna zêde ya berfê rêyên bi qasî 2 hezar û 30 gund û niştîngehan hatin girtin.

Li gorî zanyariyan li 11 bajarên Bakurê Kurdistanê ji ber barîna berfê rêya 2 hezar û 30 gund û mezrayan hatiye girtin.

Hat zanîn ku 641 gund li Sêwazê,  269 gund li Xarpêtê,  7 gund li Şirnexê, 25 gund li Mêrdînê, 4 gund û 3 mezra li Sêrtê, 159 gund li Wanê, 197 gund li Mûşê, 90 gund li Bedlîsê, 66 gund û 147 mezra  li Colemêrgê, 250 gund li Dêrsimê û rêyên 232 gundan jî li bajarê Agriyê hatine girtin û çûnûhatina navbera wan asteng bûye.

Xebatên bo vekirina wan rêyan di nav mercên zehmet ên rewşa xirab a hewayê de berdewam dikin.