Rojava | 2 wefat û 127 pêketiyên nû yên Covid-19 hatin tomarkirin

PeyamaKurd – Li Rojavayê Kurdistanê rewşa dawî ya vîrusa koronayê hat eşkere kirin.

Desteya Tenduristiyê ya Rêveberiya Xweser ragihand ku 127 kesên din bi vîrûsa koronayê (Covid-19) ketine û 2 kes jî pê mirine.

Hevserokê Desteya Tenduristiya Rêveberiya Xweser Dr. Ciwan Mistefa 2 kes ji ber nexweşiya koronayê mirine, 127 kesên din pê ketine û tenê kesek baş bûye

Hejmara pêketiyên koronayê li Rojavayê Kurdistanê, bi van amarên dawî re gihîşt 22 hezar  û 958 kesan, ji wan 2013 kes baş bûne û 804 kesan jî wefat kiriye.