Tenduristiya Iraqê 5 rênmayiyên nû ji bo tekosîna hember Omicronê derxist

PeyamaKurd – Wezareta Tenduristiya Iraqê, ji Iraq û Herêma Kurdistanê re, 5 rênmayiyên nû ji bo tekoşîna hember Omicronê derxist.

Li gor nivîseke Wezareta Tenduristiya Iraqê, ku ji Wezareta Tenduristiya Hikûmeta Herêma Kurdistanê û fermangehên Tenduristiya Iraqê re hatiye araste kirin, roja 18.01.2022yê lijneya fermana dîwanî ya taybet tekoşîna hember vîrusa Koronayê, ji bo guftûgokirina bergiriyên taybet derbarê Omicronê de civiya ye û 5 rênmayiyên nû derxistiye.

Rênmayiyên hatine derxistin wiha ne:

1 – Berdewambûna çavdêriya nexwaşan û dabînkirina derman û pêwîstiyên bijîşkî.

2 – Pêwîstî bi zêdekirina lêdana derziyê heye û ji bo wê jî zêdekirina binkeyên lêdana derziyê û zêdekirina dema karê wan pêwîst e.

3 – Karkirin bi rasparde û erkdariyên nû yên derbarê dema karantînakirinê û çavdêrîkirina wan kesên ku tên karantînakirin.

4 – Amajekirina li ser çavdêriya tenduristiyê û cîhbicîhkirina biryarên lijneya bilind a tekoşîna hember vîrusa Koronayê di wêneyên giştî, dibistan û zankoyan de.

5 – Bihêzkirina hewldanên hişyarkirina hemwelatiyan derbarê metirsiya Koronayê û bi taybet jî derbarê Omicronê de û giringiya wergirtina derziyê.