Heta 15 rojan li Wanê çalakî hatin qedexekirin

PeyamaKurd – Hemû çalakî, li parêzgeha Wanê ya Bakurê Kurdistanê, heta 15 rojan hatin qedexekirin.

Li gor daxuyaniya Parêzgariya Wanê, bi sedema “tenduristiya civakê û birêkûpêkiya raya giştî” li bajêr, meşên bi armanca xwenîşandanê û civînên li qadên vekirî jî tê de her cûre çalakî hatin qedexekirin.

Ji derveyî çalakiyên bi destûra Parêzgariyê û qeymeqamtiye, encamdana çalakiyên weke, meş, mitîng, xwepêşandan, belavkirina belavokan, konser, çalakiyên protestoyî, grêva birçîbûnê, vegirtina çadiran û hemû cûrên çalakiyên weke wan, heta 15 rojan hatin qedexekirin.