Heyeta Rojava besdarî Kongreya Qahîre-3 dibe

PeyamaKurd – Hat ragihandin ku dê heyeteke rêveberiya xweser a li Rojavayê Kurdistanê jî beşdariya Kongreya Qahîre-3 ya opozîsyona Sûriyê bibe.

Hevserokê Meclîsa Sûriya Demokratîk (MSD) Riyad Derar ragihand ku MSDê endamê Desteya Amadekar a Kongreya Qahîre 3 ye.

Riyad Derar got ku MSD hewl dide nexşerê û peymanên di Kongreya Qahîre 2 de hatine danîn werin pêşvebirin.

Derar bal kişand ser rola Misrê a pêkanîna çareseriya krîza Sûriyê û da zanîn ku Misir piştgiriyê dide helwesta MSDê ya li dijî dagirkeriya Tirkiyê.

Derar herwiha bibîr xist ku hevdîtinên wan ên ji bo girtiyên DAIŞê bi parlamen û kesayetên Ewropayî re xwedî girîngiyeke mezin in.