Hikûmeta Iraqê biryar da deriyê sînorî yê Selemçe yê ligel Îranê bigre

PeyamaKurd – Bo bergiriya li hember vîrusa Koronayê, Hikûmeta Iraqê biryar da, deriyê sînorî yê Şelemçe yê ligel Îranê bigre.

Endamê Şaneya Têkoşîna li dijî Koronayê yê li Besrayê Hekîm Meyahî diyar kir: ‘‘Encûmena Parêzgeha Besra biryar da, deriyê sînorî yê Şelemçe li ber geştiyaran bigre û hemû çûnûhatin werin betalkirin, ku beşek ji wan xwendekar û nexweş bûn.’’

Herwiha hatiye destnîşankirin, hemû liv û tevgerên geştyarî li deriyê sînorî hatine rawestandin û tenê rê li danûstandina bazirganî tê dayîn.

Hikûmeta Iraqê Sêşemê biryar da, heta 14 rojan geştên ber bi heşt welatan were sekinandin û di nav wan de Îran jî heye.